Onlayn ictimai-siyasi qəzet
Arzuman Abdulkərimov: “Məmur öz komanda yoldaşına qarşı “söyüş müxalifəti”ndən istifadə edirsə, bu, xəyanətdir”
“Söyüş müxalifəti” dediyimiz bir qrup qaragüruhçu Azərbaycandan qaçaraq əsasən Avropa və Qərb ölkələrinə sığınıb. Öz dövlətlərinə, xüsusən, Azərbaycan dövlətinin başçısına və onun ailəsinə qarşı təhqir, qara piar kampaniyası aparırlar. Əminliklə deyə bilərəm ki, onlar Azərbaycanı sevməyən böyük güclər tərəfindən idarə olunurlar. Getdikcə bunun daha çox şahidi oluruq. Azərbaycanın 2020-ci ildə qazandığı Zəfərdən sonra onlar bu yanaşmanı dəyişmədilər. Deməli, onlar idarə olunurlar. Azərbaycan iqtidarının daxilindən "söyüş müxalifəti”nə hansısa informasiyaların ötürülməsi, məmurların qaragüruh və radikal qruplardan bir-birilərinə qarşı istifadə etmələri mümkündür. Hansısa korrupsioner məmur digər sağlam məmuru ləkələmək üçün bu vasitələrdən istifadə edə bilər”.
Musavat.com xəbər verir ki, bu sözləri Pravda.az-a açıqlamasında “Hilal” Sosial Araşdırmalar Mərkəzinin rəhbəri, politoloq Arzuman Abdulkərimov deyib.
“Sadəcə düşünmürəm ki, bunu kütləvi, həm də açıq şəkildə edə bilsinlər. Belə hallar varsa, hansısa məmur öz komanda yoldaşına qarşı “söyüş müxalifəti”ndən istifadə edirsə, təbii ki, çox acınacaqlı haldır. Bunun özü xəyanət kimi dəyərləndirilə bilər. Sən öz komanda yoldaşına qarşı belə davranış göstərirsən. Bu, iqtidarın daxilindəki hər hansı məmura qarşı deyil, ümumi iqtidarın siyasətinə zərbə vura bilər. Yaxşı hal deyil. Düşünürəm, təhlükəsizlik orqanları məsələni araşdırıb, münasibətlərini bildirəcəklər”, - politoloq deyib.
XƏBƏR LENTİ
29 Noyabr 2024
28 Noyabr 2024
ŞƏRHLƏRŞƏRH YAZ