Onlayn ictimai-siyasi qəzet
Artur Xaçatryan: “Avropa Parlamenti ölkə hakimiyyətindən daha çox ermənipərəstdir”
“Avropa Parlamentinin qətnaməsi ölkə hakimiyyətinin mövqeyindən daha çox ermənipərəstdir”.
Musavat.com erməni mediasına istinadən xəbər verir ki, bunu Ermənistanın müxalifətdə olan eyni adlı parlament blokunun deputatı Artur Xaçatryan deyib.
“Əminəm ki, bir çoxlarınız Avropa Parlamentinin yanvarın 19-da qəbul etdiyi qətnamədən xəbərdarsınız. Qətnamədə Avropa Parlamenti (əsassız yerə-red.), ilk növbədə, Azərbaycanın Qarabağı blokadaya almasını (ekoloqların dinc aksiyası belə təqdim olunur-red.) pisləyir və onu beynəlxalq hüququ pozmaqda ittiham edir. Lakin Avropa Parlamentinin qəbul etdiyi qətnamədə daha mühüm müddəalar var idi. Avropa Parlamenti Qarabağ ermənilərinin hüquqlarını nəzərə almalı olan hərtərəfli sülh müqaviləsinin bağlanmasına böyük əhəmiyyət verir.
Belə görünür ki, Avropa Parlamentinin mövqeyi Ermənistanın, Qarabağın statusu və Qarabağ ermənilərinin bərabərlik və öz müqəddəratını təyinetmə hüququ haqqında danışmaqdan imtina edən Nikol hakimiyyəti və onun deputatlarının mövqeyindən qat-qat ermənipərəstdir.
İstər-istəməz sual yaranır, bəlkə Azərbaycan kürü diplomatiyasının hədəfi artıq avropalılar deyil, hakim partiyasının üzvləridir?”,-deyə erməni siyasətçi yazıb.
Musavat.com
XƏBƏR LENTİ
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ