Onlayn ictimai-siyasi qəzet
Almaniyada dövlət borcu rekord həddə çatdı
Almaniyanın dövlət borcu rekord həddə - 2,37 trilyon avroya çatıb. Ölkənin Federal Statistika İdarəsinin yaydığı məlumata görə, dövlət borcunun artmasına koronavirus pandemiyasının təsirlərinə qarşı mübarizə, həmçinin enerjidaşıyıcılarının bahalaşması səbəb olub.
Musavat.com-un məlumatına görə idarə bildirir ki, 2022-ci il ərzində Almaniya dövlət, torpaq və bələdiyyə orqanlarının ümumi borcu 2021-ci ilin sonu ilə müqayisədə 2 faiz, yaxud 46,1 milyard avro artıb. O cümlədən federal hökumətin borcu 4,6 faiz artmaqla 1 trilyon 620,4 milyard avro olub. Bu artıma 2020-ci ildə pandemiyaya qarşı mübarizə üçün yaradılan Stabilləşmə Fondu vasitəsilə xərcləmələr gətirib çıxarıb.
2023-cü ildə Almaniya resessiya, yüksək inflyasiya və alıcılıq qabiliyyətinin azalması kimi ciddi çağırışlarla üzləşib. Fevralın 27-də maliyyə naziri Kristian Lindner açıqlayıb ki, dövlət büdcəsindən qaytarılmalı olan kreditlərin həcmi 2021-ci ildəki 4 milyard avrodan 2023-cü ildə 40 milyard avroya qədər artıb. Ekspertlər cari il ərzində Almaniyada dövlət borcunun daha 45 milyard avro artacağını gözləyirlər.
Musavat.com
XƏBƏR LENTİ
21 Sentyabr 2024
ŞƏRHLƏRŞƏRH YAZ