Onlayn ictimai-siyasi qəzet
ABŞ-ın tarif siyasəti Türkiyəyə böyük fürsətlər açır
ABŞ-ın yeni gömrük siyasəti Türkiyənin beynəlxalq təchizat zəncirlərinin əhəmiyyətli bir hissəsini ələ almasına imkan verəcək.
Musavat.com xəbər verir ki, bu fikri TASS-a Ankaranın maliyyə sektorundakı mənbə: "Hazırda biz ABŞ-ın bu yeni ticarət siyasətində özümüz üçün müsbət perspektivlər görürük. Fakt budur ki, Amerika administrasiyasının bu cür tədbirləri logistikaya və beynəlxalq təchizat zəncirlərinə təsir göstərəcək. Onların əhəmiyyətli bir hissəsi Türkiyəyə yönləndiriləcək. Və burada mahiyyət etibarı ilə sadə riyazi mülahizələr ön plana çıxır. ABŞ-ın daha yüksək tariflərinə tabe olan ölkələr Türkiyə kimi ixracatı minimum 10 faiz olan və sərbəst ticarət müqavilələri olan ölkələr vasitəsilə ticarət etməyə çalışacaqlar”.
CNN Türk-də çıxış edən Türkiyənin vitse-prezidenti Cevdet Yılmaz qeyd edib ki, Türkiyə üçün qoyulan 10 faizlik gömrük rüsumları Amerika bazarına daxil olmaq perspektivləri baxımından respublikanın maraqlarına uyğundur: "ABŞ prezidenti Donald Trampın qəbul etdiyi qərarlar çox önəmlidir və biz digər ölkələrin hərəkətlərini diqqətlə izləməliyik. Tariflərin artırılması ABŞ bazarına mal satan ölkələri aqressiv şəkildə digər bazarlara girməyə məcbur edəcək və biz bunu diqqətlə izləməliyik. Deməli, Trampın açıqladığı tariflər Türkiyə üçün nisbətən sərfəlidir”. Yılmaz həmçinin əlavə edib ki, “dünya proteksionizmə doğru gedir və hər bir ölkə artıq öz maraqlarını güdəcək”.
Musavat.com
XƏBƏR LENTİ
06 Aprel 2025
ŞƏRHLƏRŞƏRH YAZ