Onlayn ictimai-siyasi qəzet
Venesuela BMT-dən kömək istəyir – ABŞ hərbi kontingentlərinin Karib dənizində yerləşdirilməsi narahatlıq doğurur
Venesuela ABŞ Hərbi Dəniz Qüvvələrinin Karib dənizində yerləşdirilməsinə görə Birləşmiş Millətlər Təşkilatına (BMT) müraciət edib.
Musavat.com xəbər verir ki, bu barədə ölkənin xarici işlər naziri İvan Xil Pinto özünün Telegram kanalında məlumat verib.
Nazir bildirib ki, Venesuela BMT-nin baş katibi Antoniu Quterreşə müraciət edərək sülhün qorunması və sağlam məntiqin bərpası üçün dəstək istəyib. Həmçinin o, ABŞ-ın hərbi kontingentlərinin və potensial nüvə silahlarının Karib bölgəsinə yerləşdirilməsinin sülh üçün təhlükə yaratdığını qeyd edib.
İvan Xil Pinto BMT-nin Venesueladakı daimi koordinatoru Cianluka Rampolla ilə görüşünün nəticələrini paylaşaraq, beynəlxalq təşkilatın bu məsələyə müdaxiləsinin vacibliyini vurğulayıb.
Venesuela tərəfi narahatlığını açıq şəkildə bildirərək bölgədə gərginliyin qarşısının alınması üçün beynəlxalq dəstək gözləyir.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ