Onlayn ictimai-siyasi qəzet
Ukrayna xüsusi təyinatlılarından Rusiyaya AĞIR ZƏRBƏ - GÖRÜNTÜLƏR
Ukrayna Silahlı Qüvvələrinin Xüsusi Əməliyyat Qüvvələri Rusiyaya məxsus strateji əhəmiyyət daşıyan “Utes” radar kompleksini məhv edib.
Musavat.com xəbər verir ki, bu əməliyyat pilotsuz uçuş aparatı (PUA) vasitəsilə həyata keçirilib.
Məlumata görə, “Utes” radar kompleksi 360 kilometr radiusda hava məkanını izləyərək Ukraynanın təyyarə, raket və dronlarının hərəkətini müəyyən edirdi. Bu sistem Rusiyanın hava hücumundan müdafiə mexanizmlərində mühüm rol oynayırdı və 20 kilometrədək yüksəklikdə olan obyektlər haqqında real vaxt rejimində məlumat ötürürdü.
Hərbi analitiklərin fikrincə, “Utes”in məhv edilməsi Rusiya ordusunun hava məkanına nəzarət imkanlarını əhəmiyyətli dərəcədə zəiflədib. Bu, Ukrayna Hərbi Hava Qüvvələrinin daha təhlükəsiz manevr etməsinə, həmçinin Rusiyanın hava hücumundan müdafiə sistemlərinin effektivliyinin azalmasına səbəb olacaq.
Bu uğurlu əməliyyat Ukraynanın müasir döyüş taktikalarının və texnologiyalarının effektivliyini bir daha nümayiş etdirib.
Ekspertlər bildirirlər ki, belə əməliyyatlar Rusiya ordusunun hava hücumlarından müdafiə sistemlərini zəiflətməklə yanaşı, Ukrayna ordusunun strateji üstünlüyünü artırır.
Hazırda Ukrayna Silahlı Qüvvələri işğalçı qüvvələrin kritik hərbi obyektlərinə zərbələr endirməyə davam edir və bu cür hücumlar müharibənin gedişatına ciddi təsir edə bilər.
Musavat.com
XƏBƏR LENTİ
16 Mart 2025
15 Mart 2025
ŞƏRHLƏRŞƏRH YAZ