Onlayn ictimai-siyasi qəzet
Türmədə məhəbbət macərası - Caniyə könül verən nəzarətçi həbs olunub
Britaniyanın Uelsin Bridgend şəhərindəki həbsxananın keçmiş tibb bacısı Elise Hibbs cinayətkarla münasibət qurduqdan sonra həbsxanaya düşüb.
Musavat.com xəbər verir ki, bu barədə Daily Mail məlumat yayıb.
Hibbs 2019-cu ildə narkotik ticarətinə görə 5 il həbs cəzasına məhkum edilmiş məhbus Harri Pullenlə ünsiyyət qurub. Daha sonra cani müəssisənin əməkdaşları ilə münasibətdə olması şübhəsi ilə başqa həbsxanaya köçürülüb. Pullen üçüncü həbsxanaya aparılarkən müayinə zamanı onun düz bağırsağında mobil telefon tapılıb. Məhkum əlavə həbs cəzası alıb.
İstintaq zamanı məlum olub ki, Pullen Hibbsə həbsxanada tibbi yardım göstərərkən onunla tanış olub, sonra isə sosial şəbəkədə onunla əlaqə saxlayıb. Hibbs 2021-ci ilin iyulunda istefa verib, lakin bir həftə sonra həbs olunub və bir məhbusla mesajlaşdığını və eşq macərası yaşadığını etiraf edib. Keçmiş həbsxana zabiti 6 ay müddətinə azadlıqdan məhrum edilib. Qadın iddia edir ki, onunla cinayəti törədən şəxs arasında heç vaxt cinsi əlaqə olmayıb.
Musavat.com
XƏBƏR LENTİ
11 Oktyabr 2024
ŞƏRHLƏRŞƏRH YAZ