Onlayn ictimai-siyasi qəzet
Türkiyədən İstanbulu qana boyayanlara GÖZDAĞI - tezliklə...
"Türkiyədə törədilən dəhşətli terror hadisəsi bir sıra məqsədlər daşıyır. Türkiyə terrordan əziyyət çəkən dövlətdir. Eləcə də PKK/YPG-PYD dəstələri hər zaman Türkiyəyə qarşı məkrli planlar qururlar. Türkiyə bu istiqamətdə daim antiterror əməliyyatları keçirir".
Bu sözləri Musavat.com-a politoloq İlyas Hüseynov deyib.
"Azərbaycan da terrordan əziyyət çəkib, müxtəlif üsul və formalarla Azərbaycana qarşı da terror aktları həyata keçirilib. Qeyd etmək lazımdır ki, Azərbaycan beynəlxalq antiterror koalisiyasının üzvüdür və beynəlxalq sülhə çox fəal üzvdür. Qardaş Türkiyə də terror hadisələrindən əziyyət çəkir. Düşünürəm ki, önümüzdəki il Türkiyə üçün çox əlamətdar olacaq. Həm Cümhuriyyətin elan olunmasının 100 illiyidir, həm də prezident seçkiləri keçiriləcək. Bununla yanaşı, Türkiyə bu il həm də bir sıra mötəbər tədbirlərin açılışını həyata keçirəcək – İstanbul boğazının açılışı, "Akkuyu" AES-in istifadəyə verilməsi Türkiyəni regional müstəvidə keyfiyyətcə yeni bir səviyyəyə qaldıracaq. Ona görə də Türkiyəyə qarşı məkrli planlar həyata keçirirlər. Lakin Azərbaycan hər zaman Türkiyənin yanında olub. Türkiyə hər zaman Azərbaycanın dəstəyinə güvənə bilər. Bizim həmrəyliyimiz dostlarımızı sevindirir, düşmənlərimizi çətin vəziyyətə salır. Bu böyük bəladan xilas olmaq üçün Türkiyənin yetərli gücü, qüdrəti var. Türkiyəyə qarşı bu alçaq, xain hücumu həyata keçirənlər mütləq şəkildə cəzalandırılacaqlar", - politoloq vurğulayıb.
Musavat.com
XƏBƏR LENTİ
03 Oktyabr 2024
ŞƏRHLƏRŞƏRH YAZ