Onlayn ictimai-siyasi qəzet
Türk musiqisinin sönməz ulduzu! Ferdi Tayfur kimdir? - DOSYE
Türk musiqisinin unudulmaz simalarından olan Ferdi Tayfur, 2 yanvar 2025-ci ildə Antalya şəhərində dünyasını dəyişdi.
Türk musiqisinin və kinosunun əfsanəvi simalarından biri olan Ferdi Tayfur, yaradıcılığı ilə nəsillərin yaddaşında dərin izlər buraxıb. Sənətçi həm özünəməxsus səsi, həm də duyğulu mahnıları ilə milyonların sevgisini qazanıb, çəkildiyi filmlərdə isə həyatın çətinliklərini və insan duyğularını böyük ustalıqla ekrana daşıyıb.
Həyatı boyu qarşılaşdığı çətinliklərə baxmayaraq, Ferdi Tayfur həm musiqi dünyasında, həm də kino sahəsində unudulmaz əsərlər ərsəyə gətirərək Türk mədəniyyətində öz yerini möhkəmləndirib. Bu yazıda sənətçinin həyat və yaradıcılıq yoluna nəzər salırıq.
Musavat.com Ferdi Tayfurun dosyesini təqdim edir:
Sənətçi 15 noyabr 1945-ci ildə Adananın Yüreğir rayonunun Taşçı kəndində anadan olub.
Ferdi Tayfurun həyatı çətinliklər və yoxsulluqla dolu idi. Atası Cumali bəy pavyondan çıxarkən qətlə yetirilmiş, bu hadisədən sonra onun təhsili yarımçıq qalmışdı. Ailəsinə dəstək olmaq üçün uşaq yaşlarında şirniyyat dükanında "çıraklıq" edən Tayfur, daha sonra kənd təsərrüfatında işləyərək pul qazanmağa başlayır.
Musiqiyə olan həvəsi onu toylarda mahnı oxumağa gətirib çıxardı. Adana Radiosunun təşkil etdiyi musiqi müsabiqəsində iştirak edərək ikinci yer tutdu və İstanbulda musiqi karyerasına başlamaq qərarına gəldi. İlk "Leyla / Aşkınla beni öldürdün" adlı "plastinka"sı ilə 500 lirə qazanan Tayfur, zamanla musiqi dünyasında öz adını tanıdır.
Musiqi Karyerası
Ferdi Tayfur 1970-ci illərdə çıxardığı "Çeşmə" adlı mahnı ilə böyük uğur qazandı. Eyni adlı film isə 1976-cı ildə nümayişə girərək 12 milyon tamaşaçı topladı. 1982-ci ildə qurduğu "Ferdifon Plakçılıq" şirkəti ilə musiqi sənayesində öz yerini möhkəmləndirdi.
1992-ci ildə çıxardığı "Prangalar" albomu 5 milyon nüsxə ilə Türkiyə tarixinin ən çox satılan albomlarından biri oldu. Ferdi Tayfur həm də 200.000 insanın iştirak etdiyi Gülhane Parkında verdiyi konsertlə rekord qırdı.
Mükafatları
Ferdi Tayfur, musiqi və kino sahəsindəki uğurları ilə çoxsaylı mükafatlara layiq görülüb. Onun qazandığı mükafatlar arasında musiqi dünyasında əldə etdiyi yüksək nailiyyətlər və sinema sahəsindəki uğurları xüsusi qeyd olunmalıdır:
1. Altın Plak Mükafatları
Ferdi Tayfur, karyerası boyunca 9 dəfə Altın Plak Mükafatı qazanıb. Bu mükafatlar onun mahnılarının böyük tirajla satıldığını və musiqi sənayesində nə qədər uğurlu olduğunu göstərir.
Ferdi Tayfur, sadəcə mükafatlarla deyil, həm də nəsillər boyu davam edən irsi və qoyduğu dərin izlərlə xatırlanır.
Şəxsi Həyatı
Ferdi Tayfurun şəxsi həyatı da hadisələrlə zəngin idi. İlk həyat yoldaşı Zeliha xanımdan Tuğba və Funda adlı iki qızı, məşhur aktrisa Necla Nazırdan Tuğçe Tayfur adlı qızı, Habibe Ümyani Demirdən isə Ferdi Taha adlı bir oğlu dünyaya gəlib. Son illərini Marmarisdə keçirən Tayfur, həm musiqi, həm də kino sahəsində qoyduğu izlərlə yaddaşlarda əbədi yaşayacaq.
Ferdi Tayfuru rəhmətlə anır, ailəsinə və bütün sevənlərinə başsağlığı diləyirik.
Musavat.com
XƏBƏR LENTİ
05 Yanvar 2025
04 Yanvar 2025
ŞƏRHLƏRŞƏRH YAZ