Onlayn ictimai-siyasi qəzet
Trampın əczaçılıq məhsullarına rüsum tətbiq etməməsinin səbəbi bilindi
ABŞ prezidenti Donald Tramp əczaçılıq məhsullarına ticarət tariflərinin tətbiq etməyib. Lakin gələcəkdə belə tədbirləri tətbiq etməyi planlaşdırır.
Musavat.com xəbər verir ki, bu məlumatla mənbələrə istinadən "Bloomberg" çıxış edib.
Bildirilir ki, Ağ Ev artıq gələcək məhdudlaşdırıcı tədbirlərin tətbiqi üçün plan hazırlayır. Tramp administrasiyasının rəsmisi bildirib ki, hökumət tariflər tətbiq etməzdən əvvəl idxalın ABŞ-ın milli təhlükəsizliyinə təsirini müəyyən etmək üçün araşdırma aparmaq istəyir. Bu baxış təkcə əczaçılıq sənayesinə deyil, həm də yarımkeçiricilər və minerallar sektorlarına təsir göstərməlidir.
Xatırladaq ki, mart ayında Tramp tezliklə əczaçılıq məhsullarına da 25 faizlik rüsum tətbiq edəcəyini açıqlamışdı. Bu açıqlamadan sonra "Reuters" agentliyi mənbələrə istinadən xəbər vermişdi ki, əczaçılıq şirkətləri və lobbi qrupları ABŞ prezidentini yeni iqtisadi reallıqlara uyğunlaşmağa vaxt vermək üçün tibbi məhsullara mərhələli ticarət məhdudiyyətləri tətbiq etməyə çağırıb.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ