Onlayn ictimai-siyasi qəzet
Tramp kriptovalyutalarla bağlı elə proqnoz verdi ki...
ABŞ-nin yeni seçilmiş prezidenti Donald Tramp kriptovalyuta siyasəti ilə bağlı qiymətləndirmə edib.
Musavat.com-un xəbərinə görə, yanvarın 20-də Ağ Evdəki vəzifəsinə rəsmən başlayacaq Tramp CNBC-yə müsahibəsində kritovalyuta barədə diqqətçəkən açıqlama verib.
“Kripto ilə bağlı əla fikrimiz var, çünki biz Çinin, hətta təkcə Çinin deyil, özümüzün lider olmağımızı istəyirik”, - deyə Tramp bildirib.
ABŞ-nin süni intellektdə çox irəli gedəcəyini ifadə edən Tramp bu sahədəki ehtiyacları ödəmək üçün böyük həcmdə elektrik enerjisi istehsalının lazım olduğunu qeyd edib.
Yerli investorlara müraciət edən Donald Tramp “Çox yaxşı günlər görəcəyinizi düşünürəm. Çox sayda təşviq təqdim olunacaq” deyib.
Trampın bu açıqlamalarından sonra “Bitcoin” kriptovalyutasının qiyməti artıb.
“Coinmarketcap” analiz şirkətinin məlumatlarına görə, “Bitkoin”in qiyməti son 24 saatda təxminən 1 faiz artaraq 102 min dolları keçib.
Nigar HƏSƏNLİ,
Musavat.com
XƏBƏR LENTİ
13 Dekabr 2024
ŞƏRHLƏRŞƏRH YAZ