Onlayn ictimai-siyasi qəzet
"Tramp Kiyevi vaxtından əvvəl danışıqlara məcbur etməyəcək"
ABŞ-ın yeni seçilmiş prezidenti Donald Trampın komandası ilə təmaslardan sonra Avropa liderləri yeni Amerika administrasiyasının Kiyevi vaxtından əvvəl danışıqlara məcbur etməyəcəyinə inanmağa başlayıblar.
Musavat.com xəbər verir ki, məlumatı Bloomberg mənbələrə istinadən yayıb.
Bildirilir ki, Ukraynanın avropalı müttəfiqləri Trampın Kiyevi Rusiya ilə vaxtından əvvəl danışıqlara məcbur etməyəcəyinə dair ehtiyatlı nikbinliyə başlayıblar. Avropa rəsmilərinin agentliyə verdiyi məlumata görə, bu rəy Trampın komandasının üzvləri ilə bir sıra qeyri-rəsmi söhbətlərdən sonra yaranıb və bu danışıqlar zamanı transatlantik tərəfdaşlar Ukraynaya yardımın davam etdirilməsinin zəruriliyini qeyd ediblər.
Agentliyin mənbələrinə görə, ABŞ-ın növbəti administrasiyasının dialoq başlamazdan əvvəl Kiyev üçün güclü danışıqlar mövqeyi yaratmağa çalışacağı şansları artır. Bununla belə, rəsmilər Trampın sonda nə qərar verəcəyini bilmədiklərini etiraf ediblər.
Bloomberg-in mənbələri qeyd ediblər ki, Tramp danışıqlarda Ukrayna ilə bağlı saziş bağlamaq istəyini ifadə edib, lakin görünən odur ki, o, “Ukraynanın taleyi ilə bağlı o qədər də narahat deyil və müharibənin ABŞ üçün strateji əhəmiyyətini qəbul etmir”.
Agentliyin Avropa mənbələri də hesab edir ki, Ukraynanın Tramp dövründə NATO-ya daxil olması ehtimalı azdır.
Trampın komandası bu məlumatla bağlı şərh sorğusuna cavab verməyib.
Musavat.com
XƏBƏR LENTİ
15 Yanvar 2025
14 Yanvar 2025
ŞƏRHLƏRŞƏRH YAZ