Onlayn ictimai-siyasi qəzet
Tramp ərəb ölkələrindən trilyonlar GƏTİRDİ
ABŞ prezidenti Donald Tramp bəyan edib ki, onun Səudiyyə Ərəbistanı, Qətər və Birləşmiş Ərəb Əmirliklərinə (BƏƏ) etdiyi səfərlərin nəticəsi olaraq ABŞ iqtisadiyyatına ümumilikdə 12-13 trilyon dollar həcmində investisiya qoyuluşuna dair razılaşmalar əldə olunub.
Musavat.com xəbər verir ki, bu barədə o, Əbu-Dabidə keçirilən ABŞ və BƏƏ işgüzar dairələri nümayəndələrinin görüşündə bildirib.
“ABŞ-la heç vaxt bu miqyasda bir şey baş verməmişdi. Trilyonlarla investisiya. Təxminən 12-13 trilyon dollar məbləğində razılaşmalar əldə etmişik. Bu göstəriciyə artıq məlum olan layihələr hesabına çatmışıq, bəzi layihələr barədə isə yaxın vaxtlarda məlumat verəcəyik”, – o, deyib.
Görüşdə Əbu-Dabi əmirliyinin vəliəhdi şeyx Xalid bin Məhəmməd Al Nəhyan da iştirak edib.
Qeyd edək ki, Tramp 13-16 may tarixlərində Yaxın Şərq ölkələrinə səfər edib.
12 may tarixində ABŞ-ın “Axios” portalı adının açıqlanmasını istəməyən rəsmilərə istinadən yazıb ki, Tramp ərəb ölkələrinə səfəri zamanı ümumi dəyəri 1 trilyon dollar olan bir sıra sazişlər imzalamağı planlaşdırır.
Sonradan Tramp özü bildirib ki, Səudiyyə Ərəbistanı 200 milyard dollara ABŞ-ın “Boeing” şirkətindən 160 təyyarə sifariş edib.
Musavat.com
XƏBƏR LENTİ
16 May 2025
ŞƏRHLƏRŞƏRH YAZ