Onlayn ictimai-siyasi qəzet
Tramp da gedəcəkmi: Liz Trass ssenarisi təkrar olunur! Qlobal panika dünyanı bürüyür
ABŞ prezidenti Donald Trampın yeni tarif siyasəti qlobal maliyyə bazarlarında panika effektinə səbəb olub.
Musavat.com xəbər verir ki, Trampın bütün sahələri əhatə edən gömrük tariflərini elan etməsi maliyyə investorları və beynəlxalq bazarlar tərəfindən ciddi narahatlıqla qarşılanıb.
"The New York Times" yazır ki, bu qərar dolların dəyərinin düşməsi və bazar indekslərinin zəifləməsi ilə nəticələnib. Ekspertlər bu iqtisadi modeli 2022-ci ilin payızında Böyük Britaniyanın keçmiş baş naziri Liz Trassın həyata keçirməyə çalışdığı vergi islahatları ilə müqayisə edirlər.
Xatırladaq ki, Liz Trass hökumətə gəldikdən sonra vergi azalmaları və sərbəst iqtisadi təkan vədləri vermiş, lakin bu addımlar böyük maliyyə xaosuna və funt sterlinqin kəskin ucuzlaşmasına səbəb olmuşdu. Nəticədə o, cəmi 44 gün sonra vəzifəsindən getməyə məcbur qalmışdı.
Hazırda isə prezident Trampın tarif siyasəti beynəlxalq müşahidəçilər tərəfindən bənzər iqtisadi risklərlə müşahidə olunur. Analitiklər bu addımın istehlakçı qiymətlərinə təzyiq yaradacağını və qlobal ticarət əlaqələrini sarsıdacağını bildirirlər.
Musavat.com xəbər verir ki, bir çox iqtisadçı bu siyasətin ABŞ iqtisadiyyatında struktur gərginliklər yaradacağı qənaətindədir.
Yazının orijinalı burada: https://www.nytimes.com/2025/04/08/world/europe/trump-tariffs-markets-liz-truss.html?smid=whatsapp-nytimes
Musavat.com
XƏBƏR LENTİ
17 Aprel 2025
16 Aprel 2025
ŞƏRHLƏRŞƏRH YAZ