Onlayn ictimai-siyasi qəzet
Tramp birinci rübdəki iqtisadi tənəzzüldə Baydeni günahlandırdı
ABŞ prezidenti Donald Tramp 2025-ci ilin birinci rübündə ölkədə qeydə alınan iqtisadi tənəzzülün Co Baydenin rəhbərlik etdiyi əvvəlki administrasiyanın siyasəti ilə bağlı olduğunu deyib.
Musavat.com xəbər verir ki, o, öz fikirlərini Truth Social-da yazıb.
Tramp həmçinin iddia edir ki, onun tətbiq etdiyi idxal rüsumları son nəticədə ölkədə iqtisadi çiçəklənməyə gətirib çıxaracaq: "Bu, ABŞ-ın keçmiş prezidenti Baydenin birjasıdır, Trampın deyil. Mən yanvarın 20-də vəzifəyə başladım. Tariflər işə düşmək üzrədir və rekord sayda şirkətlər ABŞ-a köçməyə başlayır".
Amerika lideri iddia edir ki, ABŞ "çiçəklənəcək", lakin bunun üçün "Bayden irsindən xilas olmaq" lazımdır: "Bu, bir az vaxt aparacaq. Bunun iqtisadi tənəzzülün tariflərlə heç bir əlaqəsi yoxdur. Sadəcə, o, bizi pis rəqəmlərlə tərk etdi. Amma bum gələndə, başqa heç kim görünməyəcək. Səbirli olun".
Qeyd edək ki, ABŞ Ticarət Nazirliyi 2025-ci ilin birinci rübündə ölkə ÜDM-nin illik müqayisədə 0,3 faiz azaldığını açıqlayıb. Nazirlik bildirir ki, mənfi dinamika xüsusilə dövlət xərclərinin azalması, eləcə də idxalın artması ilə əlaqələdir. ABŞ iqtisadiyyatının artım tempində son üç ildə ilk dəfə olaraq yavaşlama qeydə alınıb. 2024-cü ilin sonuna ABŞ ÜDM-in artım tempi 2,8 faiz təşkil edib.
Musavat.com
XƏBƏR LENTİ
01 May 2025
30 Aprel 2025
ŞƏRHLƏRŞƏRH YAZ