Onlayn ictimai-siyasi qəzet
Tramp: ABŞ-ın İrana hücumundan DANIŞDI
ABŞ prezidenti Donald Tramp bəyan edib ki, ABŞ-ın vaxtilə İrana qarşı həyata keçirdiyi hərbi əməliyyatlar Tehranın nüvə silahı əldə etməsinin qarşısını almaqda mühüm rol oynayıb.
Musavat.com xəbər verir ki, Ağ Evdə prezident kabinetinin iclasında çıxış edən Tramp həmin hücumu “çox vacib” adlandırıb:
“Əgər o əməliyyat həyata keçirilməsəydi, çox güman ki, bu gün İran artıq nüvə silahına, hətta çoxsaylı nüvə başlıqlarına sahib olardı”, – deyə ABŞ lideri bildirib.
Tramp həmçinin xatırladıb ki, Vaşinqton İran İslam Respublikasına qarşı sərt sanksiyalar tətbiq edib. Bununla belə, o vurğulayıb ki, ABŞ İranın öz ölkəsini bərpa etməsinə qarşı deyil:
“Biz istəyirik ki, onlar ölkələrini yenidən qursunlar. Amma onlara nüvə silahına sahib olmaq icazə verilə bilməz”, – prezident əlavə edib.
Musavat.com
XƏBƏR LENTİ
10 Oktyabr 2025
09 Oktyabr 2025
ŞƏRHLƏRŞƏRH YAZ