Onlayn ictimai-siyasi qəzet
“TikTok”da canlı qumar oyunları davam edir: Bu dəfə loto-qumar - VİDEO
“TikTok” sosial şəbəkəsində canlı yayımlarda qanunsuz mərc oyunlarının təşkili davam edir.
Musavat.com xəbər verir ki, bir müddətdir Daxili İşlər Nazirliyinin keçirdiyi əməliyyatlarla saxlanılanlar olsa da bu oyunları təşkil edənlərin sırasına hər gün yeniləri qoşulur.
Bu dəfə isə canlı yayımda loto oyunu təşkil edilib.
“Aida seferova” profilindən təşkil olunan oyunu minlərlə şəxs izləyib. Oyunu təşkil edən bir xanım və bir kişidir. Onlar öz profilində 0774475589 nömrəsini əlaqə nömrəsi kimi qeyd ediblər. Oyuna qoşulmaq üçün bu nömrənin "WhatsApp"ına yazmaq lazımdır. Hər oyuna giriş haqqı 5 manatdır. Onların göndərdiyi kart hesabına bu məbləği yüklədikdən sonra oyunun iştirakçısı olursan.
Bu oyunu təşkil edənlərin qazancı da az deyil. Belə ki, hər oyunda 24 kart alınır. Bu isə ümumi 120 manat edir. Hər oyunda isə uduş olaraq qalibə 40 manat ödəyirlər. Yəni, bir neçə dəqiqə davam edən hər oyundan 80 manat qazanc götürürlər.
İ.Muradov
Musavat.com
XƏBƏR LENTİ
05 Yanvar 2025
ŞƏRHLƏRŞƏRH YAZ