Onlayn ictimai-siyasi qəzet
Rusiyada benzin böhranı davam edir - Reuters
Rusiyada bəzi yanacaqdoldurma məntəqələrində benzin qıtlığı yaranıb. Musavat.com Reuters-ə istinadən xəbər verir ki, ən böyük çətinlikləri özəl yanacaqdoldurma məntəqələri yaşayır. Treyder və pərakəndə satış mənbələrinə görə, Ukraynanın pilotsuz təyyarələrlə neft emalı zavodlarına və ixrac terminallarına hücumları neft emalının həcmini azaldır, yüksək kredit faizləri isə özəl yanacaqdoldurma məntəqələrinin ehtiyat saxlamasına mane olur.
Agentlik qeyd edir ki, Ukrayna Moskvanın ixrac gəlirlərini azaltmaq, daxili narazılıq səpmək və Kremli sülh danışıqlarına sövq etmək məqsədilə Rusiyanın enerji infrastrukturuna hücumları gücləndirib.
Hücumlar bəzi günlərdə Rusiyanın neft emalını demək olar ki, 20 faiz və əsas limanlardan ixracı azaldıb. Dizel yanacağının böyük profisiti olmasına baxmayaraq, benzin istehsalı daxili tələbatı ödəyəcək səviyyədədir, ona görə də emalın azalması qıtlığa səbəb ola bilər. Yanacaqdoldurma məntəqələrində uzun növbələr yoxdur, lakin məşhur AI 92 və AI 95 kimi müəyyən benzin növləri çox vaxt mövcud olmur.
Benzin qıtlığı ilk dəfə avqust ayında Uzaq Şərqdə və Krımda yaranıb. Oxşar problemlər daha sonra Volqa-Vyatka bölgəsində, Rusiyanın cənub və mərkəzi bölgələrində də müşahidə edilməkdədir.
Musavat.com
XƏBƏR LENTİ
24 Sentyabr 2025
23 Sentyabr 2025
ŞƏRHLƏRŞƏRH YAZ