Onlayn ictimai-siyasi qəzet
Təyyarə iki dəfə Aktau aeroportuna enməyə cəhd etdi – Qazaxıstan rəsmisi
“Azərbaycan Hava Yolları” QSC-nin sərnişin təyyarəsi iki dəfə Qazaxıstanın Aktau hava limanına enmək üçün gəlib, onu qəbul etmək üçün hər şey hazır olub, lakin sonra gəmi ilə əlaqə kəsilib və o, qəzaya uğrayıb. Musavat.com xəbər verir ki, bunu Qazaxıstanın nəqliyyat naziri Marat Karabayev brifinqdə deyib.
O deyib:“Aktau aviadispetçeri təyyarəni aerodromda endirmək üçün dərhal bütün lazımi tədbirləri gördü. Ekipaj Aktau aerodromunun uçuş-enmə zolağına enməyə iki cəhd etdi, bu zaman hündürlükdə və uçuş kursunda xaotik dəyişikliklər müşahidə edildi. Daha sonra təyyarə sahil zolağına doğru hərəkət etdi".
Karabayev qeyd edib ki, bundan sonra “ekipajla əlaqə kəsilib və təyyarə yerlə toqquşub”: “Aktobe rayon idarəetmə mərkəzinin dispetçerləri saat 10:43-də Rostov zonasının dispetçerindən Qroznı şəhərindən alternativ aerodroma yola düşən 8243 saylı reysi yerinə yetirən Embraer 190 təyyarəsi haqqında ilk siqnal alıblar. Qazaxıstan Respublikasının hava məkanına daxil olmamışdan əvvəl təyyarənin ümumi idarəetmə mərkəzi və yüksəklik idarəetmə sistemi sıradan çıxıb. Ekipaj sabit kurs və yüksəkliyi saxlaya bilməyib”.
Qeyd edək ki, TASS Agentliyi Karabayevdən sitat olaraq bir cümlə də yayıb: “Mahaçqala və Bakıda hava məlumatlarını təqdim etdikdən sonra ekipaj Aktauya uçmaq qərarına gəlib”.
Musavat.com olaraq nazirin brifinqindən Qazaxıstan mətbuatının yaydığı məlumatları araşdırdıqda aydın oldu ki, TASS-ın Karabayevin fikri kimi təqdim etdiyi məlumatı dünən Rusiyanın Rostov vilayəti aviadispetçer mərkəzi yayıbmış. Nazir onların verdiyi məlumatdan sitat gətiribmiş: “Rostov aviadispetçerinin bildirdiyinə görə, Mahaçqala və Bakıda hava məlumatlarını ötürdükdən sonra ekipaj Aktauya uçmaq qərarına gəlib. Saat 10.53-də Aktau hava limanının reys menecerinə təyyarədə oksigen çəninin partladığı, sərnişinlərin huşlarını itirdikləri barədə məlumat verilib və çatdıqdan sonra reanimasiya tələb olunub”.
XƏBƏR LENTİ
27 Dekabr 2024
ŞƏRHLƏRŞƏRH YAZ