Onlayn ictimai-siyasi qəzet
Teylor başqalarına aman vermir- 4 mükafat alaraq qalib gəlib
Bazar günü Mançesterdə “MTV Europe Music Awards” mükafatlandırma mərasimi keçirilib.
Musavat.com xarici mediaya istinadla xəbər verir ki, amerikalı sənətçi Teylor Svift dörd mükafat alaraq mərasimin qalibi olub.
BBC-nin məlumatına görə, Mançesterdəki müsabiqədə müğənni aşağıdakı nominasiyalarda dörd mükafat alıb:
"Ən yaxşı ifaçı"
"Ən yaxşı Amerika artisti"
“Ən yaxşı videoklip” – "Fortnight"
"Ən yaxşı konsert tamaşası"
Müğənni mərasimdə iştirak edə bilməyib və buna görə də konsert turunu davam etdirməyə hazırlaşdığı ABŞ-da pərəstişkarlarına salamlarını canlı videobağlantıyla çatdırıb.
“Eras turundan sizə gəlmişəm və bu gün sizinlə ola bilməyəcəyim üçün çox kədərlənirəm. Amma bu heyrətamiz mükafatlara görə çox sağ olun”, - Svift ekrandan bildirib.
Beləliklə, Svift mükafatın 30 illik tarixində üç dəfə ən yaxşı sənətçi nominasiyasını qazanan ilk ifaçı olub.
Musavat.com
XƏBƏR LENTİ
14 Noyabr 2024
ŞƏRHLƏRŞƏRH YAZ