Onlayn ictimai-siyasi qəzet
Suriyada yeni dövr: Müdafiə Nazirliyi quruldu, Türkiyə ilə ittifaq təsis edildi, İsraillə... - SON DƏQİQƏ XƏBƏRİ
Suriyadakı mənbələrin bildirdiyinə görə, ölkədə mühüm dəyişikliklər baş verir.
Musavat.com xəbər verir ki, yeni hakimiyyətin təsis olunması ilə bölgədə yeni siyasi və hərbi addımlar atılmağa başlanılıb.
Müdafiə Nazirliyi və yeni ordu quruculuğu
Suriyada yeni Müdafiə Nazirliyi təsis edilib. Silahlı qrupların ləğv olunaraq vahid orduya birləşdirilməsi planlaşdırılır. Bu təşəbbüs ölkədə mövcud olan silahlı qruplaşmaların tamamilə aradan qaldırılması və nizamlı ordu qurulması məqsədini güdür.
Türkiyə ilə hərbi əməkdaşlıq
Yeni Suriya rəhbərliyi Türkiyə ilə müdafiə ittifaqı qurub. Bu çərçivədə Türk Silahlı Qüvvələri İdlibdəki bütün hərbi nöqtələrdən çıxacaq. Bunun əvəzində Türkiyə Homs səhrası və Şamın şimalında iki böyük hərbi baza quracaq. Bu bazalarda İsrail hava hücumlarına qarşı xüsusi hava hücumundan müdafiə sistemləri yerləşdiriləcək.
Region ölkələrindəki İslami hərəkatlar və əlaqələr
Livan, İordaniya və İraq kimi region ölkələrindəki İslami hərəkatlar Suriyanın yeni rəhbərliyi ilə əlaqə qurmağa başlayıb. Bu ölkələrdə hakimiyyət dairələri Suriyada baş verənlərin öz ölkələrinə yayılmasından narahatdır.
İsrailin işğal cəhdləri
Mənbələr bildirir ki, İsrailin Suriyadakı hərəkətləri mediada göstərildiyi qədər irəliləməyib. İsrail yalnız bəzi təpələri və əraziləri ələ keçirə bilib. Lakin bölgənin böyük hissəsi hələ də Suriyanın yeni rəhbərliyinin nəzarətindədir. Hazırda Suriya rəhbərliyi İsrailə qarşı hərbi mübarizə aparmaq imkanına malik olmadığı üçün diplomatik yollarla qarşıdurmanı idarə etməyə çalışır.
YPG/PKK-nın mövqeləri zəiflədilir
YPG/PKK-nın Suriyanın şərqindəki Ayn əl-Arab, Rakka və Deyr əz-Zor bölgələrindən geri çəkildiyi bildirilir. Onların əsasən Haseke bölgəsinə sıxışdırılması planlaşdırılır.
İslam hüququ ilə idarəçilik
Yeni yaradılacaq Suriya rəhbərliyi İslam şəriəti ilə idarə olunacaq. Bu məqsədlə Şəri Heyət qurulub və Suriyanın tanınmış alimləri, qəzilər və fiqh üzrə mütəxəssislər yeni konstitusiyanın yazılması üçün müzakirələrə başlayıblar. İslam hüququnun mərhələli şəkildə tətbiq olunması nəzərdə tutulur.
Mənbələr, xüsusilə Şam şəhərinin İslami həyat tərzi baxımından zəif vəziyyətdə olduğunu vurğulayır və burada İslami dəvət fəaliyyətlərinin həyata keçiriləcəyini bildirir. Yeni rəhbərlik xalqı şəriət qaydalarına uyğunlaşdırmaq üçün mərhələli bir plan hazırlayıb.
Musavat.com olaraq, bu hadisələrin inkişafını izləməyə davam edəcəyik.
Musavat.com
XƏBƏR LENTİ
23 Dekabr 2024
22 Dekabr 2024
ŞƏRHLƏRŞƏRH YAZ