Onlayn ictimai-siyasi qəzet
SON DƏQİQƏ! Ukraynaya PİS XƏBƏR - Bayden açıqladı
ABŞ prezidenti Co Bayden Ukraynanın hazırda F-16 döyüş təyyarələrinə ehtiyac duymadığını bildirib
ABŞ prezidenti Co Bayden Rusiya-Ukrayna müharibəsinin 1-ci ildönümü çərçivəsində "ABC News"a müsahibə verib.
Musavat.com xəbər verir ki, Bayden Rusiyanın yazda gözlənilən hücumuna qarşı Ukraynanın tələb etdiyi F-16 döyüş təyyarələrinin “hələlik” verilməyəcəyini bildirib.
Jurnalist David Muirin “Ukraynanın F-16-lara ehtiyacı olmadığını düşünürsünüz, eləmi?” sualını Bayden belə cavablandırıb:
“Xeyr, F-16-lara ehtiyacı yoxdur. Ukraynanın müdafiə üçün gələcəkdə nəyə ehtiyac duyacağını dəqiq deyə bilmərik. Ordumuza görə, hazırda F-16-ların göndərilməsi üçün heç bir səbəb yoxdur. Hələlik bunu rədd edirəm. Ordumuzun Ukraynaya lazım olduğunu düşündüyü şeyi Ukraynaya göndəririk. Kiyevə tanklar, artilleriya, hava hücumundan müdafiə vasitələri, o cümlədən HIMARS reaktiv yaylım atəşi sistemi lazımdır. Biz onları Ukraynaya göndəririk ki, qazanc əldə edə bilsin".
Xatırladaq ki, Bayden yanvar ayında jurnalistlərə verdiyi açıqlamada F-16-ları Ukraynaya göndərməyəcəyini bildirərək bu tələbi rədd etmişdi. Bununla belə, ABŞ rəsmiləri, o cümlədən Ukrayna prezidenti Zelenski və ABŞ dövlət katibi Antoni Blinken bu məsələnin hələ də müzakirəyə açıq olduğunu bildiriblər.
Musavat.com
XƏBƏR LENTİ
09 Oktyabr 2024
ŞƏRHLƏRŞƏRH YAZ