Onlayn ictimai-siyasi qəzet
Səbirsizlik, qəzəb və məyusluq… - Bu tarixlərdə diqqətli olun!
Astroloji təqvimdə əhəmiyyətli bir yerə sahib olan Marsın retrosu enerji və hərəkət planeti olaraq bilinən Marsın geriyə doğru hərəkətə keçməsi ilə həyatımızda əhəmiyyətli təsirlər yaradır.
Musavat.com xəbər verir ki, Mars retrosu enerji, motivasiya və hərəkətə keçmək qabiliyyətinin azalmasına səbəb olan astroloji prosesdir, eyni zamanda daxili dünyanızı nəzərdən keçirmək imkanı verir.
Bu dövrdə diqqətinizi həm zehni, həm də emosional olaraq balanslı olmağa yönəldərək bu prosesin çətinliklərini daha asan idarə edə bilərsiniz.
Planlarınızda daha diqqətli olun.
Mars retrosu plan və layihələrdə gözlənilməz gecikmələrə səbəb ola bilər. Buna görə də hədəflərinizi və layihələrinizi nəzərdən keçirə və ehtiyac duyduğunuz resursları və vaxtı yenidən qiymətləndirə bilərsiniz. Xüsusilə, yeni başlanğıclar etmək əvəzinə mövcud layihələri tamamlamağa üstünlük vermək və təcili olmayan qərarları bu müddətdən sonraya təxirə salmaq, daha az stressli bir prosesə sahib olmanıza kömək edə bilər.
Hisslərinizin fərqində olun.
Marsın geriyə doğru getməsi səbirsizlik, qəzəb və məyusluq kimi duyğuların daha güclü hiss olunmasına səbəb ola bilər. Buna görə meditasiya, nəfəs məşqlərinə başlaya bilərsiniz.
Keçmişi nəzərdən keçirin.
Keçmiş yarımçıq işləri və həll olunmamış məsələləri gündəmə gətirir. Bu səbəblə köhnə layihələrinizi və münasibətlərinizi nəzərdən keçirə bilərsiniz. Tamamlanması lazım olan işlərə diqqət yetirərək, bu prosesi bir təmizlənmə və tamamlama dövrü hesab edə bilərsiniz.
Fiziki sağlamlığınızı qoruyun.
Mars enerji və fiziki hərəkətlə əlaqələndirilir. Retro dövrlərdə bu enerji axını kəsilə bilər və bədən yorğunluğu daha aydın görünə bilər. Bir məşq rejimi yarada və sağlam həyat tərzi keçirə bilərsiniz. Bundan əlavə, bədəninizi gərginləşdirən fəaliyyətlərdən qaçınmaq və istirahətə diqqət yetirmək fiziki və ruhi sağlamlığınızı qorumağa kömək edə bilər.
Səbirli olun və axınla gedin.
Mars retrosu zamanı işlər həmişə planlaşdırıldığı kimi getməyə bilər. Buna görə də səbirli olmağı öyrənmək və axınla getmək bu dövrü daha asan keçməyinizə kömək edəcək.
2025 Mars retrosu tarixləri
Bu il Mars retrosu 2024-cü ilin son günlərini və 2025-ci ilin əvvəlini əhatə etməklə yalnız bir dəfə baş verəcək.
6 dekabr 2024 - 23 fevral 2025: Mars Şir bürcündən Xərçəngə doğru retro yaşayacaq.
Könül İbrahim
Musavat.com
XƏBƏR LENTİ
08 Yanvar 2025
07 Yanvar 2025
ŞƏRHLƏRŞƏRH YAZ