Onlayn ictimai-siyasi qəzet
Sabahdan Azərbaycanda Frankofoniya Günləri başlayır - FOTOLAR
Aprelin 1-dən etibarən Bakıda Frankofoniya Günləri başlayacaq.
Musavat.com bildirir ki, bununla bağlı martın 30 Bakı Fransız Liseyində mətbuat konfransı keçirilib. Tədbirdə 6 ölkənin Azərbaycandakı səfirləri və səfirliklərin nümayəndələri iştirak edib.
Mətbuat konfransında bildirilib ki, aprelin 22-dək davam edəcək Frankofoniya Günləri altı ölkənin - Fransa, Latviya, Litva, Mərakeş, Çex Respublikası və Meksikanın Azərbaycandakı səfirliklərinin təşkilatçılığı ilə baş tutacaq. Frankofoniya Günləri çərçivəsində Azərbaycandakı səfirlikləri tərəfindən mədəni tədbirlər keçiriləcək. Frankofoniya Günlərində 2022-ci ildə Avropanın mədəniyyət paytaxtı olan Kaunas şəhərinə həsr olunan fotosərgi, Rövşən Ağayevin “Fransız dili dərsləri” kitabının fransız dilində nəşrinin təqdimatı, “Beynəlxalq müstəvidə istifadə olunan dillərin arasında fransız dilinin müxtəlifliyi” mövzusunda beynəlxalq konfrans və Azərbaycan Dillər Universiteti, Gəncə Dövlət Universiteti və Naxçıvan Dövlət Universiteti arasında natiqlik müsabiqəsi təşkil olunacaq. Həmçinin Frankofoniya Günləri çərçivəsində 10 filmin nümayişi nəzərdə tutulur.
Qeyd edək ki, hər il Frankofoniya Günləri bütün dünyada, fransızdilli ölkələrdə, eləcə də fransız dilinin tədris edildiyi və öyrənildiyi ölkələrdə, o cümlədən Azərbaycanda qeyd olunur.
Bu il Frankofoniya Günləri “Gələcəyin frankofoniyası” mövzusuna həsr edilib.
Xalidə Gəray
Fotolar müəllifindir
Musavat.com
XƏBƏR LENTİ
09 Oktyabr 2024
ŞƏRHLƏRŞƏRH YAZ