Onlayn ictimai-siyasi qəzet
Ruslarla çeçenlər arasında qarşıdurma - Alaudinov qəzəbləndi: Riyakarlığınıza təəccüblənirəm
İyunun 28-də və 29-da sosial şəbəkələrdə çeçen döyüşçülərin nəzarət-buraxılış məntəqəsində hərbi polis zabiti ilə kobud şəkildə ünsiyyət quraraq, sonra onu döydüklərini əks etdirən video yayılıb.
Videonu dərc edən Telegram kanallarının məlumatına görə, hadisə iyunun 25-də Belqorod vilayətinin Volokonovski rayonunda baş verib. “Axmat” komandiri Apti Alaudinov hücumçulara qarşı iş açıldığını desə də, başqa təfərrüatları açıqlamayıb.
Videonu yayan Telegram kanallarının müəllifləri bildiriblər ki, çeçen döyüşçüləri avtomobili əks istiqamətdə sürdükləri üçün saxlanılıblar.
“Xüsusi bir şey yoxdur. Sadəcə, hərbi geyimli şəxslər hərbi polis əməkdaşını döyüblər. “Qardaşlar” nömrəsiz avtomobillə yolun əks istiqamətində hərəkət ediblər. Onları hərbi polis saxlayıb, sənədləri təqdim etmələrini istəyib. Özlərini ikinci dərəcəli vətəndaş kimi hiss ediblər, hərbi polisi döyüblər, sonra da öz işlərinin ardınca gediblər”, - məlumatda deyilir.
Bəzi müharibə veteranları hadisədən qəzəblənərək Apti Alaudinova müraciət edib.
“Bizim ordumuzda hamı bilir ki, ruslarla “Axmat” arasındakı münaqişələrdə sistem sonuncunun maraqlarından çıxış edir. Və buna görə də sadəcə hamı lazımsız nəticələrdən qorxur”, - müraciətdə deyilir.
Alaudinov bu ittihamlara sərt cavab verib:
“Mənə hansı sualınız var? Mən İstintaq Komitəsinin nümayəndəsiyəm, yoxsa prokuror? Bəzi hadisə baş verib. Bəli, bu hadisənin bir çeçenlə bağlı olması dəhşətlidir. Bəli, burada belə hadisələr çox olur. Mən sizin təmtəraqlı riyakarlığınıza təəccüblənirəm. (...) Mənə, rusların törətdiyi bütün cinayətlərə cavabdeh olan bir rus göstərin”.**Publika.az
XƏBƏR LENTİ
01 Iyul 2025
30 Iyun 2025
ŞƏRHLƏRŞƏRH YAZ