Onlayn ictimai-siyasi qəzet
Rusiyada qiyama rəhbərlik edənlər ömürlük gedəcək
Dövlət Dumasına insan ölümü və ya digər ağır nəticələrə səbəb olan silahlı üsyan təşkil etməyə və ya orada iştirak etməyə görə ömürlük həbs cəzasını nəzərdə tutan qanun layihəsi təqdim edilib.
Musavat.con Rusiya KİV-inə istinadla xəbər verir ki, sənəd parlamentin aşağı palatasının saytında dərc olunub.
Layihədə cinayət məsuliyyətinin cinayətdə iştirak dərəcəsindən və qiyamın nəticələrinin ağırlığından asılı olaraq bölünməsi təklif edilir. Rusiya Federasiyasının konstitusiya quruluşunu devirməyə və ya zorla dəyişdirməyə və ya ölkənin ərazi bütövlüyünü pozmaq cəhdi etməyə görə 15 ildən 20 ilədək azadlıqdan məhrumetmə cəzasının nəzərdə tutulması təklif edilir.
Üsyan insan ölümü və ya digər ağır nəticələrlə nəticələnərsə, cəza ya ömürlük həbs, ya da 15-20 il müddətinə həbs və 500 mindən 1 milyon rubla qədər cərimə olacaq.
Layihə həmçinin üsyanın iştirakçısı “Rusiya Federasiyasının maraqlarına gələcək zərərin” qarşısını almağa kömək edərsə, onun cinayət məsuliyyətindən azad olması nəzərdə tutulur.
İyunun sonunda “Vedomosti” qəzeti yazıb ki, Yevgeni Priqojinin təşkil etdiyi silahlı üsyandan sonra Rusiya hökuməti Cinayət Məcəlləsində belə cinayətlərə görə məsuliyyəti sərtləşdirməyi planlaşdırır.
Musavat.com
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ