Onlayn ictimai-siyasi qəzet
Rusiya imtina etdi: Putin Trampa meydan oxudu - YENİ GƏLİŞMƏ
Kreml ABŞ-a Ukrayna müharibəsinin dayandırılması ilə bağlı şərtlər siyahısını verməkdən imtina etdi
Musavat.com xəbər verir ki, Rusiya rəsmiləri ABŞ-a Ukrayna müharibəsinin dayandırılması ilə bağlı şərtlər siyahısını təqdim etməyəcəklərini açıqlayıblar. Bu barədə Rusiya Xarici İşlər Nazirliyinin sözçüsü Mariya Zaxarova bəyanatla çıxış edib.
Zaxarova bildirib ki, ABŞ-ın xüsusi nümayəndəsi Kit Kelloqun “Vaşinqton artıq Kiyevdən bu siyahını alıb, indi isə Moskvadan gözləyir” sözləri reallığı əks etdirmir. Onun sözlərinə görə, 16 may tarixində İstanbulda keçirilən görüşdə Ukrayna və Rusiya nümayəndə heyətləri arasında ABŞ-ın vasitəçiliyi ilə bağlı heç bir razılaşma olmayıb.
“Biz yalnız o barədə razılığa gəlmişdik ki, Rusiya və Ukrayna hər biri atəşkəs və münaqişənin nizamlanması ilə bağlı öz baxışlarını əks etdirən sənədi hazırlayacaq və növbəti görüşdə bu sənədləri birbaşa olaraq bir-birilə paylaşacaq. ABŞ və ya digər ölkələrin vasitəçiliyi müzakirə mövzusu olmayıb,” – deyə Zaxarova vurğulayıb.
Qeyd edək ki, bu bəyanat Rusiya ilə ABŞ arasında Ukrayna məsələsindəki fərqli yanaşmaların bir daha önə çıxdığını göstərir. Rəsmi Moskva hazırda yalnız birbaşa Kiyevlə dialoqun mümkün olduğunu bildirir və üçüncü tərəflərin iştirakı ilə danışıqlara hazır olmadığını bəyan edir.
Musavat.com
XƏBƏR LENTİ
30 May 2025
29 May 2025
ŞƏRHLƏRŞƏRH YAZ