Onlayn ictimai-siyasi qəzet
Rəşad Sadıqovdan tənqid - “Bu boyda pul ayrılır, amma...”
"Zirə"nin baş məşqçisi Rəşad Sadıqov bu gün Konfrans Liqasının 3-cü təsnifat mərhələsində Xorvatiyanın "Osiyek" klubuna qarşı oynayacaqları "Liv Bona Dea Hospital" stadionunun ot örtüyünün pis durumda olmasından danışıb.
Musavat.com qafqazinfo-ya istinadən xəbər verir ki, çalışdırıcı meydançanın bu durumda olmasının səbəbini bilmədiyini və arena rəhbərliyinin onları nəzərə almadığını bildirib:
"Təəssüf ki, ev oyunlarımızı öz meydanımızda oynaya bilmirik. Mən "Qarabağ"da çıxış edərkən bundan pis meydançalarda oynamağa icazə verilirdi. Çox maraqlıdır ki, indi qadağa qoyurlar. Bura bizim meydançamız olmadığı üçün çox şey tələb edə bilmirik. İstər-istəməz stadion rəhbərliyi nəzərə almalı idi ki, burda avrokubok matçı keçiriləcək. Bizdən öncə oyunlar keçirilib, ot örtüyü "yüklənib". Biz, hətta "Şerif"lə keçirdiyimiz matçda da bunun əziyyətini çəkmişdik. Rəqib təzyiq edirdi, amma biz çıxa bilmirdik. Çünki təzyiqdən çıxmaq üçün texnika lazımdır və meydança bunu göstərməyə imkan vermir. Çox məyusedici amildir. Bu boyda vəsaitlər ayrılır. Niyə meydança bu vəziyyətdədir, anlamıram. Səfərdəki oyunlarda necə texnikalı oynadığımızı görürsünüz, bu da meydançaya bağlıdır".
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ