Onlayn ictimai-siyasi qəzet
Qəzaya uğrayan təyyarənin sərnişini danışdı: "Pilotun sayəsində..." - FOTO
Aktauda qəzaya uğrayan təyyarənin sərnişini qəzadan sonrakı ilk saniyələri danışıb.
48 yaşlı Subxonkulun sözlərinə görə, təyyarə 2-3 dəfə eniş etməyə cəhd edib. Sonra səs-küy eşidildi, lakin harada nəyin partladığı bəlli deyildi. Bundan sonra təyyarə fərqli istiqamətə uçmağa başlayıb.
"Pilotun sayəsində o, öz manevri ilə bizi xilas etdi. O olmasaydı, hamımız öləcəkdik. Quyruq hissəsi çökdü".
Sübhonkul bildirib ki, oksigen maskaları yerə düşəndə onların içində praktiki olaraq oksigen olmayıb. O, həmçinin bildirib ki, təyyarə qəzaya uğramazdan əvvəl bir müddət dövrə vurub. Kişinin dediyinə görə, onun yanında oturanların hamısı sağ qalıb.
Sübhonkul möcüzəvi şəkildə sağ-salamat xilas olsa da, indi şiddətli başı ağrıları var.
Qeyd edək ki, "Azərbaycan Hava Yolları" aviaşirkətinin J2-8243 nömrəli Bakı-Qroznı reysini yerinə yetirən "Embraer 190" təyyarəsi Aktau şəhərinin 3 km yaxınlığında qəza enişi edib. Göyərtədə 62 sərnişin, 5 ekipaj üzvü olmaqla, ümumilikdə 67 nəfər olub./Milli.Az/
XƏBƏR LENTİ
26 Dekabr 2024
ŞƏRHLƏRŞƏRH YAZ