Onlayn ictimai-siyasi qəzet
Politoloqlar Sverdlovsk vilayətinin qubernatoru Yevgeni Kuyvaşevlə "Vaqner" özəl hərbi təşkilatın təsisçisi, iş adamı Yevgeni Priqojin arasında baş verən qiyabi duelə münasibət bildiriblər.
Musavat.com Rusiya mediasına istinadla xəbər verir ki, Kuyvaşev bu günlərdə Priqojinin Yekaterinburqun hakimiyyət orqanlarının hərəkətlərindən narazılığını kəskin şəkildə şərh etmişdi. "Məktəb yeməklərindən pul qazanan hər bir iş adamı ölkəni idarə etməyə çalışsa, biz uzağa getməyəcəyik. Siz kotlet, makaron bişirirsiniz, biz isə bölgələrdə əlləşirik", - qubernator deyib.
Priqojin cavabında deyib ki, İosif Stalin sadəcə Kuyvaşev kimi insanları güllələyirdi.
“Əgər Yevgeni Kuyvaşev Priqojinə qarşı belə bir bəyanat veribsə, o, əmindir ki, bu, ciddi nəticələrsiz keçəcək”, - deyə politoloq Aleksey Şaburov bildirib. Şaburov əlavə edib ki, ola bilsin, qubernator Priqojinin Rusiya Müdafiə Nazirliyi ilə qarşılıqlı anlaşmasıyla bağlı problemlərinin olmasına dair şayiələr fonunda kəskin cavab vermək qərarına gəlib.
Politoloq Sergey Markov etiraf edib ki, Kuyvaşev bu qalmaqaldan sonra işdən çıxarıla bilər. Onun sözlərinə görə, Priqojin son vaxtlar radikal vətənpərvərlər üçün önəmli şəxsə çevrilib. Amma birbaşa Priqojini dəstəkləmək çətindir. Buna görə də ekspertin fikrincə, Priqojinə hücum edənlərə hücum edərək ona dəstək olurlar.
Musavat.com
09 Oktyabr 2024
ŞƏRHLƏRŞƏRH YAZ