Onlayn ictimai-siyasi qəzet
Prezident Ərdoğan ATƏT-in yeni baş katibi Sinirlioğlunu qəbul etdi
Türkiyə prezidenti Rəcəb Tayyib Ərdoğan Avropa Təhlükəsizlik və Əməkdaşlıq Təşkilatının (ATƏT) yeni baş katibi vəzifəsinə təyin olunan səfir Feridun Hadi Sinirlioğlunu qəbul edib.
Musavat.com xəbər verir ki, görüş zamanı Ərdoğan Sinirlioğlunu təbrik edərək ona yeni vəzifəsində uğurlar arzulayıb.
Qeyd edək ki, səfir Feridun Hadi Sinirlioğlu 57 üzv ölkənin yekdil qərarı ilə ATƏT-in baş katibi vəzifəsinə seçilib. Bu təyinatın Avropa-Atlantik və Avrasiya regionlarında sülhə, əmin-amanlığa və sabitliyə töhfə verəcəyinə ümid edilir.
Feridun Hadi Sinirlioğlu Boğaziçi Universiteti Siyasi Elmlər və Beynəlxalq Münasibətlər Bölümündə doktorluq dərəcəsi alıb və Ankara Universiteti Siyasal Bilgiler Fakültəsində bakalavr təhsili alıb.
O, Türkiyənin BMT-dəki daimi nümayəndəsi vəzifəsində çalışıb və 2015-ci ildə müvəqqəti hökumətdə xarici işlər naziri olub.
Sinirlioğlunun ATƏT-in baş katibi vəzifəsinə seçilməsi təşkilatın 1975-ci il Helsinki Yekun Aktının 50 illik tarixində bu vəzifəni tutan ilk türk vətəndaşı olması baxımından əhəmiyyətlidir.
Prezident Ərdoğan Sinirlioğlunun təyinatının Avropa-Atlantik və Avrasiya coğrafiyasında sülhə, əmin-amanlığa və sabitliyə töhfə verəcəyinə inandığını bildirib.
Musavat.com
XƏBƏR LENTİ
07 Fevral 2025
06 Fevral 2025
ŞƏRHLƏRŞƏRH YAZ