Onlayn ictimai-siyasi qəzet
Poroşenko bir ildə 111 milyon dollar qazandı, Zelenski qəzəbindən ona sanksiya tətbiq etdi
Ukraynanın sabiq prezidenti Pyotr Poroşenko 2024-cü ildə gəlirini 2021-ci illə müqayisədə 30 dəfə artırıbmış.
Musavat.com xəbər verir ki, bu barədə “Times of Ukraine” nəşri məlumat yayıb.
Xəbərə görə, Poroşenko ötən il təxminən 111 milyon dollar gəlir əldə edib. Maraq doğuran məqam isə bu vəsaitlərin mənbəyidir – iddialara görə, pulların böyük hissəsi dövlət və Ukrayna xalqı üzərindən qazanılıb.
Bildirilir ki, siyasətçi Ukrayna Silahlı Qüvvələrinə etdiyi ianələr vasitəsilə dövlətin yüksək faizli istiqrazlarını alıb və bu yolla büdcədən geriödəmələr alıb. Daha sonra isə həmin vəsaitlərin xarici ölkələrə çıxarıldığı qeyd olunur.
Ukrayna prezidenti Volodimir Zelenski isə bu gəlirlərə və iddialara sərt reaksiya verib. O, bu ilin fevralında Poroşenkoya qarşı müddətsiz şəxsi sanksiyalar tətbiq edib. Sanksiyalar çərçivəsində sabiq prezident dövlət mükafatlarından məhrum edilib, əmlaklarına həbs qoyulub və xaricə pul köçürməsi yasaqlanıb.
Poroşenko isə cavabında sanksiyaları “siyasi təxribat” və “qondarma cinayət işi” adlandıraraq, Zelenskini korrupsiyada və öz uğursuzluqlarına başqalarını günahlandırmaqda ittiham edib.
Qeyd edək ki, bu qalmaqal fonunda Ukraynada siyasi gərginliyin artdığı müşahidə olunur.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ