Onlayn ictimai-siyasi qəzet
İran XİN: “3+3” formatı regionda sülh üçün uğurlu təcrübədir
İran Xarici İşlər Nazirliyi “3+3” formatını Cənubi Qafqazda regional münaqişələrin həlli üçün uğurlu mexanizm adlandırıb.
Musavat.com xəbər verir ki, bu barədə bu gün keçirilən mətbuat konfransında nazirliyin rəsmi nümayəndəsi İsmayıl Bəqai bildirib.
Onun sözlərinə görə, region ölkələri xarici müdaxilələrin qarşısını almaq üçün regional mexanizmləri gücləndirməlidirlər və İran bu istiqamətdə fəal çalışır.
“3+3” formatı Cənubi Qafqaz üçün tarixi əhəmiyyət daşıyır. Bu format Azərbaycan və Ermənistanın da daxil olduğu region ölkələri ilə Cənubi Qafqazı əhatə edən dövlətlər arasında məsləhətləşmələr üçün yaradılıb. İndiyədək müxtəlif ölkələrdə çoxsaylı görüşlər keçirilib və ilk görüşlərdən biri də Tehranda baş tutub. Bu mexanizm indiyədək xüsusən Azərbaycan və Ermənistan arasında mübahisələrin həllinə kömək edən regional platforma kimi özünü doğruldub”, - deyə Baqai vurğulayıb.
Musavat.com
XƏBƏR LENTİ
29 Avqust 2025
28 Avqust 2025
ŞƏRHLƏRŞƏRH YAZ