Onlayn ictimai-siyasi qəzet
İnsanlara hürriyət, millətlərə istiqlal!
Polşada Ukrayna üçün PUA istehsalı başladı
Polşa Ukrayna ilə birgə pilotsuz uçuş aparatları (PUA) istehsalını təşkil edib.
Musavat.com-un "Rzeczpospolita" qəzetinə istinadən verdiyi məlumata görə, bu barədə Polşanın Ukraynadakı müvəqqəti işlər vəkili Pyotr Lukasyeviç açıqlama verib.
Lukasyeviç bildirib ki, Ukrayna ilə Polşa arasında birgə müəssisələr yaradılıb. Bu müəssisələr PUA istehsalı ilə yanaşı tankların təmiri və yüksək texnologiyalar sahəsində əməkdaşlıq istiqamətində də fəaliyyət göstərir.
Diplomat əlavə edib ki, Ukrayna ilə əməkdaşlıq çərçivəsində digər ölkələrlə birgə yaradılmış müəssisələr də mövcuddur. Onlar artilleriya və sursat istehsalı ilə məşğuldur.
Polşanın Rusiya ilə coğrafi yaxınlığını nəzərə alan Lukasyeviç istehsalat yerlərinin təhlükəsizlik səbəbilə açıqlanmadığını vurğulayıb. Ekspertlər bu əməkdaşlığı Ukraynanın müdafiə qabiliyyətini artırmağa yönəlmiş mühüm addım kimi qiymətləndirir.
XƏBƏR LENTİ
09 Yanvar 2025
ŞƏRHLƏRŞƏRH YAZ