Onlayn ictimai-siyasi qəzet
Polis qeyri-adi geyimləri ilə seçilən Emilia Dinqoya XƏBƏRDARLIQ etdi
Bakıda model və bloger kimi fəaliyyət göstərən Emilia Dinqoya geyiminə görə polis tərəfindən xəbərdarlıq edilib.
Musavat.com bildirir ki, bu barədə Emilia öz İnstaqram səhifəsində məlumat yayıb.
O qeyd edib ki, polis tərəfindən xəbərdarlığı “Torqovı” adlanan Nizami küçəsində çəhrayı libası və aksesuarları ilə kamera qarşısına keçən zaman alıb:
“Bu fotosessiya zamanı məni polis saxladı. Bu “ağır cinayət”in qarşısını almaq üçün 6 nəfər serjant qaçaraq gəldi. Hansı qanunu pozduğumu soruşanda mənə belə cavab verdilər:
“Belə geyimdə çəkiliş qadağandır”, “Bura plyaj deyil”, “Bura Azərbaycandır, eşidirsiz?”, “Ana-bacı baxır”, “Şəkilləri silin”...
Təsadüfən bu qanunları konstitusiyada görmüsünüzsə, skrinşot edib mənə göndərin”.
Emilia həmçinin qeyd edib ki, həmin fotosessiyanı 6 aya hazırlayıb, bunun üçün təxminən 2500 manat xərcləyib.
Xalidə Gəray
Musavat.com
XƏBƏR LENTİ
23 Sentyabr 2024
ŞƏRHLƏRŞƏRH YAZ