Onlayn ictimai-siyasi qəzet
Peruda etiraz aksiyasında 53 nəfər öldürüldü - Tarixi binanı yandırdılar
Peruda keçmiş prezident Kastilonun vəzifədən uzaqlaşdırılmasından sonra başlayan aksiyalar davam edir.
Musavat.com xəbər verir ki, prezident kürsüsündə oturan Boluartenin istefasını və vaxtından əvvəl seçki keçirilməsini tələb edən etirazçılar bu dəfə ölkənin ikinci ən böyük hava limanına Arekipa soxulmağa çalışaraq polislə toqquşub.
Digər tərəfdən paytaxt Limada tarixi binada yanğın baş verərkən minlərlə insan "Limanı götür" şüarı ilə küçələrə çıxıb. Hadisələrdə ölənlərin ümumi sayı 53-ə yüksəlib.
Qeyd edək ki, Nəqliyyat və Rabitə Nazirliyi hadisələrlə əlaqədar hava limanının müvəqqəti bağlandığını açıqlayıb. Sosial mediada əks olunan görüntülərdə metal hasarları sındıraraq hava limanına daxil olmağa çalışan etirazçılar var. Nümayişlər zamanı polislə nümayişçilər arasında baş verən qarşıdurma nəticəsində molotov kokteylinin tarixi binanın damına dəyməsi nəticəsində yanğın baş verib. Yanğın yanğınsöndürənlər tərəfindən söndürülüb.
11 dekabr 2022-ci ildən bəri hökumət əleyhinə başlayan nümayişlərdə həyatını itirənlərin sayı biri polis olmaqla 53-ə çatıb, yaralananların sayı isə 750-ni keçib.
Musavat.com
XƏBƏR LENTİ
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ