Onlayn ictimai-siyasi qəzet
Paşinyanın deputatı Putinə yaxın erməni iş adamı haqqında sərt sözlər söylədi
Ermənistanın Hakim Vətəndaş Sazişi partiyasının parlament fraksiyasının deputatı Vaaqn Aleksanyan yerli parlamentin iyunun 17-də keçirilən iclasında iş adamı və “Ermənistanın Elektrik Şəbəkələri” şirkətinin rəhbəri Samvel Karapetyana müraciət edərək onu siyasətə qarışmamağa, əksinə, diqqəti lazımi qaydada elektrik enerjisi ilə təmin etmək məsələsinə diqqət yetirməyə çağırıb
Musavat.com xəbər verir ki, bu barədə erməni mediası məlumat yayıb.
“Ermənistanın Elektrik Şəbəkələri şirkətinin Taşir şəhərindən olan sahibi Samvel Karapetyan subaylığı pozan ruhanilərin müdafiəsi kampaniyasına qoşulub”, - deyə Aleksanyan bildirib.
Deputatın sözlərinə görə, iş adamı böyük ehtimalla bu yolla özünə siyasi və ya yarı-siyasi müdafiə təmin etməyə çalışır.
Erməni mətbuatının xəbərinə görə Ermənistanın baş naziri Nikol Paşinyan mayın 29-da hökumətin iclasında bir sıra kilsələrin vəziyyətini tənqid edərək, onları “zibillə dolu şkaflar” adlandırıb. Ertəsi gün o, arxiyepiskoplardan birini əxlaqsızlıqda ittiham edərək, erməni apostol kilsəsinə və ruhanilərə ünvanlanan sərt yazı dərc edib. Daha sonra onun həyat yoldaşı Anna Akopyan da katolikos və dindarlar haqqında təhqiramiz ifadələr işlədib.
Musavat.com
XƏBƏR LENTİ
18 Iyun 2025
17 Iyun 2025
ŞƏRHLƏRŞƏRH YAZ