Onlayn ictimai-siyasi qəzet
Paşinyan Trampın inauqurasiyasına dəvət edilməyib – SON DƏQİQƏ
Ermənistanın baş naziri Nikol Paşinyan ABŞ-ın yeni seçilmiş prezidenti Donald Trampın yanvarın 20-də keçiriləcək inauqurasiya mərasiminə dəvət olunmayıb.
Musavat.com xəbər verir ki, bu barədə Ermənistanın “Hraparak” qəzeti məlumat yayıb.
Qəzet qeyd edir ki, bir neçə gün əvvəl Ermənistanla ABŞ arasında strateji tərəfdaşlıq haqqında xartiya imzalanmasına baxmayaraq, Paşinyanın inauqurasiyaya dəvət edilməməsi diqqət çəkir.
Hadisə ilə bağlı rəsmi açıqlama verilməyib. Ermənistan rəsmiləri bu mövzuya münasibət bildirməkdən çəkinirlər.
“Sputnik Armenia”nın bu barədə baş nazirin mətbuat katibi Nazeni Bağdasaryana ünvanladığı sorğuya cavab olaraq belə bir açıqlama verilib:
“Baş nazirin bütün səfərləri haqqında vaxtında məlumat verilir”.
Hələlik məsələ ilə bağlı əlavə təfərrüatlar açıqlanmayıb. Ermənistan ictimaiyyətində isə bu mövzu ətrafında müxtəlif spekulyasiyalar yaranıb.
Musavat.com
XƏBƏR LENTİ
18 Yanvar 2025
ŞƏRHLƏRŞƏRH YAZ