Onlayn ictimai-siyasi qəzet
Paşinyan Ermənistanın Aİ-yə üzvlüyündən danışdı- "xalq" deyib oyun oynadı
Ermənistanın Baş naziri Nikol Paşinyan bildirib ki, ölkəsinin Avropa İttifaqına (Aİ) üzv olma məsələsi yalnız xalqın iradəsi ilə, ümumxalq referendumu yolu ilə həll edilə bilər.
Musavat.com xəbər verir ki, Paşinyan bu qərarın xalqın dəstəyini almaq üçün vacib olduğunu vurğulayıb.
O bildirib ki, referendumun keçirilməsindən əvvəl Aİ ilə müzakirələrə başlanılmalı və hər iki tərəf üçün faydalı olacaq detallı "yol xəritəsi" hazırlanmalıdır. Bu planın hazırlanmasında əsas məqsəd, Ermənistanın Avropa İttifaqına üzvlük prosesini düzgün və davamlı şəkildə irəlilətməkdir.
Paşinyan Aİ ilə münasibətləri möhkəmləndirməyi və bu istiqamətdə birgə fəaliyyətləri inkişaf etdirməyi təklif edib.
"Bizim hədəfimiz yalnız Aİ ilə siyasi və iqtisadi əməkdaşlıq deyil, həm də bizim xalqımızın qərarına hörmət edərək, Aİ-yə üzvlük məsələsini müzakirə etməkdir. Bunun üçün əvvəlcə Aİ ilə müvafiq danışıqlar aparmalı, birgə "yol xəritəsi" hazırlamalı və həmin planı referendum yolu ilə xalqın qərarına təqdim etməliyik," — deyə Paşinyan qeyd edib.
XƏBƏR LENTİ
09 Yanvar 2025
ŞƏRHLƏRŞƏRH YAZ