Onlayn ictimai-siyasi qəzet
Novosibirskdə ölkəni tərk edən deputatlar mandatlarından məhrum ediliblər
Novosibirsk hakimiyyəti Rusiyanı tərk etmiş Şəhər Şurasının iki deputatını - Helqa Piroqova və Sergey Boykonu (xarici agent kimi tanınıb) səlahiyyətlərindən məhrum etmək qərarına gəlib. Şəhər Şurasının yerli özünüidarəetmə komissiyasının rəhbəri İqor Atyakşev bu barədə sessiyada bildirib və deyib ki, səlahiyyətdən məhrum edilməsinə səbəb gəlir bəyannamələrinin təqdim edilməməsi olub.
Musavat.com Rusiya mediasına istinadla xəbər verir ki, qərar gizli səsvermə yolu ilə qəbul edilib və nəticədə 38 deputat səlahiyyətlərinin vaxtından əvvəl dayandırılmasının lehinə, biri isə əleyhinə çıxıb. Deputatların səlahiyyətləri iyulun 4-də başa çatacaq.
Piroqova və Boykonun seçildiyi “Koalisiya 2020” assosiasiyasının nümayəndələri onların səlahiyyətlərindən məhrum edilməsi ilə bağlı qərara məhkəmədə etiraz etmək niyyətində olduqlarını bildiriblər.
Sergey Boyko qanunsuz hərəkətlər təşkil etdiyinə görə bir neçə inzibati cərimə aldıqdan sonra 2021-ci ildə Rusiyanı tərk edib. 2022-ci ilin yazında Ədliyyə Nazirliyi Boykonu xarici agent kimi tanıyıb.
Helqa Piroqova 2022-ci ilin avqustunda Daxili İşlər Nazirliyi tərəfindən axtarışa verilib. Həmin ilin iyul ayında o, Rusiya Federasiyası Silahlı Qüvvələrinin nüfuzdan salınması maddəsi ilə - ölən rus hərbçiləri haqqında danışdığına görə barəsində inzibati xəta haqqında protokol tərtib edilib. Piroqovanın həmkarı, deputat Svetlana Kaverzina bildirib ki, o da Rusiyanı tərk edib və Gürcüstandadır.
Musavat.com
XƏBƏR LENTİ
06 Oktyabr 2024
05 Oktyabr 2024
ŞƏRHLƏRŞƏRH YAZ