Onlayn ictimai-siyasi qəzet
Naxçıvan ilə Urumçi şəhərləri arasında əməkdaşlıq imkanları müzakirə edilib
Naxçıvan Şəhər İcra Hakimiyyətinin başçısı Cabbar Musayev Urumçi şəhərinin meri Yaqub Paydullanın rəsmi dəvəti ilə Urumçi şəhərinə səfər edib.
Musavat.com xəbər verir ki, Naxçıvan Şəhər İcra Hakimiyyətinin başçısı Cabbar Musayevin Urumçi şəhərinə rəsmi səfəri çərçivəsində Urumçi şəhərinin Meri cənab Yaqub Paydulla ilə görüşü keçirilib.
Görüşdə Azərbaycan Respublikası Prezidenti cənab İlham Əliyevin 23 aprel 2025-ci il tarixində Çin Xalq Respublikasına dövlət səfəri çərçivəsində "Azərbaycan Respublikasının Naxçıvan Muxtar Respublikasının Naxçıvan şəhəri ilə Çin Xalq Respublikasının Sincan-Uyğur Muxtar Rayonunun Urumçi şəhəri arasında qardaşlaşmış şəhər münasibətlərinin qurulmasına dair imzalanmış Niyyət Məktubu"na uyğun olaraq ikitərəfli münasibətlərin qurulması müzakirə edilib.
Müzakirələr çərçivəsində Naxçıvan şəhəri ilə Urumçi şəhəri arasında iqtisadiyyat, təhsil, mədəniyyət və digər sahələrdə əməkdaşlıq imkanları təklif edilib. Həmçinin əməkdaşlığın genişləndirilməsi və birgə layihələrin müzakirəsi üçün Urumçi şəhərinin rəhbərliyi Naxçıvan şəhərinə rəsmi səfərə dəvət edilib.
Qeyd edək ki, rəsmi səfərdə Naxçıvan Şəhər İcra Hakimiyyəti başçısının müavini İmran Məmmədov da iştirak edir.
Səfər çərçivəsində Urumçi şəhərinin İdarəetmə Mərkəzi ilə tanışlıq olub. Görüşdə İdarəetmə Mərkəzinin şəhərin kommunal sahələrinin vahid mərkəzdən operativ idarə olunmasında rolu, həmçinin fövqəladə halların aradan qaldırılmasında fəaliyyəti haqqında ətraflı məlumat verilib.
XƏBƏR LENTİ
29 May 2025
28 May 2025
ŞƏRHLƏRŞƏRH YAZ