Onlayn ictimai-siyasi qəzet
“Nalci” qasırğası Filippində 121 nəfərin ölümünə səbəb olub
Oktyabrın son günlərində Filippində tüğyan edən “Nalci” tropik qasırğası 3,18 milyondan çox insana təsir edib.
AZƏRTAC xəbər verir ki, Filippin hakimiyyət orqanlarının məlumatına görə, təbii fəlakət nəticəsində 121 nəfər həlak olub, 103 nəfər müxtəlif dərəcəli bədən xəsarətləri alıb, 36 nəfər itkin düşüb. Təhlükəli rayonlardan təxliyə edilən 869 min nəfər müvəqqəti yaşayış məntəqələrinə yerləşdirilib.
Qasırğa 9 mindən çox binaya zərər vurub, 2 mindən çox evi və 121 körpünü dağıdıb. Ölkənin 297 şəhərində elektrik enerjisi təchizatında fasilələr qeydə alınıb, 41 bələdiyyənin rabitə, 12 bələdiyyənin isə su təchizatında problemlər yaranıb.
Təbii fəlakətin 141 infrastruktur obyektinə vurduğu zərər 896,8 milyon peso (15,4 milyon dollar), kənd təsərrüfatına vurduğu zərər isə 1,28 milyard peso (21,99 milyon dollar) dəyərində qiymətləndirilir. Hökumət zərərin aradan qaldırılması üçün ilkin olaraq 71,59 milyon peso (1,22 milyon dollar) ayırıb.
XƏBƏR LENTİ
04 Oktyabr 2024
03 Oktyabr 2024
ŞƏRHLƏRŞƏRH YAZ