Onlayn ictimai-siyasi qəzet
“Müxalifət üzr istəməlidir” - Simonyan özündən çıxdı
“Hesab edirəm ki, müxalifət üzr istəməlidir. Çünki parlamentdə baş verən dünənki insident onların davranışlarının və həyasızlıqlarının nəticəsidir”.
Musavat.com xəbər verir ki, bu fikirləri jurnalistlərlə söhbətində Ermənistan parlamentinin spikeri Alen Simonyan səsləndirib.
Onun sözlərinə görə, gərginlik tədricən artır: əvvəlcə söz kəsirlər, sonra “sən” deyə müraciət etməyə başlayırlar, ardınca açıq-aşkar yalan danışırlar, daha sonra qışqırmağa keçir və nəhayət, birlikdə hay-küy salırlar.
“Korrupsiyaya bulaşmış qrup korrupsiya ilə bağlı suallar verir – bu, artıq həm bizi, həm də xalqı bezdirir. İnsanların bunun onlara aid olmadığını göstərməyə çalışmasına təəccüblənirəm. Bu, bəraət deyil, amma hər kəs üçün başa düşülən olmalıdır.
Ermənistanın baş naziri və digərləri insandır – bizim də səbrimiz var. Heç kim deyə bilməz ki, bu məsələlər qaldırılmamalıdır, lakin bunu etməyə imkan verən şəxs Nikol Paşinyandır”, - deyə Simonyan qeyd edib.
Xatırladaq ki, mayın 7-də parlamentdə hökumət saatı zamanı vəziyyət gərginləşmiş, Ermənistanın baş naziri Nikol Paşinyan ANIF-də (Ermənistan Milli İnvestisiya Fondu) sui-istifadələrlə bağlı sualdan sonra əsəbiləşmiş, Nor-Nork rayonunun rəhbərinin iştirakı ilə qarşıdurma baş vermişdi.
Musavat.com
XƏBƏR LENTİ
08 May 2025
ŞƏRHLƏRŞƏRH YAZ