Onlayn ictimai-siyasi qəzet
Rusiya rəsmiləri "səhv etmişik" açıqlaması əvəzinə bəhanələr uydurur
"Baxıram ki, indi də Rusiya ekspertləri hücuma məruz qalan təyyarəmizin HHM tərəfindən vurulmadığını əsaslandırmaq üçün təyyarənin "Xəzər dənizi üzərindən uzun məsafə qət etməsi" ilə əlaqələndirirlər. Yəni demək istəyirlər ki, vurulan təyyarə belə bir məsafə qət edə bilməzdi.
Görünür, onlar yalnız kitabda yazılanları nəzərə alırlar, insan amilini unudublar. "Flightradar" datası real olaraq göstərir ki, pilotlar nəyin bahasına, hansı vəziyyətdə və hansı ustalıqla təyyarəni Aktauya qədər idarə edə biliblər".
Musavat.com xəbər verir ki, bu fikirləri Azərbaycan İnternet Forumunun rəhbəri Osman Gündüz bildirib.
"Səmimi deyim, Azərbaycan hökumətinə istinadla Qərb mediasının "təyyarə Rusiya tərəfindən vurulub" açıqlaması çox şeyi dəyişdi. Rusiya ekspertlərinin açıqlamalarına baxıram və təəssüf edirəm. Bu nəhəng ölkənin, müttəfiq ölkənin rəsmiləri "səhv etmişik" və "üzrxahlığımızı bildiririk" açıqlaması əvəzinə bəhanələr uydururlar.
İndi təsəvvür edirəm bu vəziyyətdən çıxmaq üçün Rusiya elitası Azərbaycanın siyasi hakimiyyətinə, hətta Qazaxıstana hansı təzyiqləri edir, hansı şirnikləndirici təkliflər edir. Prezidentin bu məsələdə prinsipial mövqe sərgiləməsi, dövlətin maraqlarını hər şeydən üstün tutması, siyasi iradə ortaya qoyması diqqət cəlb edəndir. Əslində hər şey Qazaxıstanın əlindədir. Əgər Azərbaycan tərəfi ilə, beynəlxalq ekspertlərlə əməkdaşlıq təmin olunsa, demək olar ki, məsələ həllini tapacaq. Əgər təhqiqat MDB strukturlarına həvalə olunsa, hər şey ört-basdır olacaq.
Görəsən, Qazaxıstan Rusiyanın basqılarına tab gətirəcəkmi? İnanıram ki, biz tab gətirə biləcəyik", - deyə ekspert əlavə edib.
Afaq,
Musavat.com
ƏLAQƏLİ XƏBƏRLƏR
XƏBƏR LENTİ
28 Dekabr 2024
02:42 Qara qutu Azərbaycana NİYƏ VERİLMİR? Qazaxıstanın məqsədi budur - İlham İsmayıl detalları AÇIR
27 Dekabr 2024
ŞƏRHLƏRŞƏRH YAZ