Onlayn ictimai-siyasi qəzet
Mourinyonu gözləyən ciddi cəza- AÇIQLANDI
Türkiyə Kubokunun 1/4 final mərhələsində "Qalatasaray"a məğlubiyyətdən (1:2) sonra diqqət mərkəzinə düşən "Fənərbağça"nın baş məşqçisi Joze Mourinyonu ciddi cəza gözləyir.
Offsideplus.az xəbər verir ki, matçın final fitinin ardınca meydançanın mərkəzində "Cim Bom"un baş məşqçisi Okan Burukun burnunu sıxan portuqaliyalı mütəxəssisə bu hərəkət baha başa otura bilər.
O, rəqibin çalışdırıcısına fiziki müdaxilə etməklə yanaşı, oyunun sonlarında qırmızı vərəqə də alıb.
Türkiyə Futbol Federasiyası "Fənərbağça"nın baş məşqçisini Futbol İntizam Təlimatının "centlmenliyə yaraşmayan hərəkət" maddəsi üzrə günahkar bilərsə, onun cəzası 1-3 oyun aralığında olacaq
Ancaq Mourinyonun "təcavüz" maddəsinə uyğun mühakimə olunacağı da mümkün sayılır. Bu maddənin cəzası daha sərtdir. Əgər Mourinyo "təcavüz" maddəsi ilə günahkar bilinərsə, 5 oyundan 10 oyuna qədər diskvalifikasiya olunacaq və ya 45-90 gün məşqçilik hüququndən məhrum ediləcək.
XƏBƏR LENTİ
04 Aprel 2025
ŞƏRHLƏRŞƏRH YAZ