Onlayn ictimai-siyasi qəzet
Belarusun “Maçulşçi” hərbi hava bazasında partlayışlar baş verib. Teleqram kanallarında partlayışın səbəbi kimi Ukrayna ordusunun hücumu göstərilir.
İddialara görə, Rusiya təyyarələrinin olduğu bazaya Ukrayna PUA hücumu təşkil edib.
“Hücum ümumilikdə 6 PUA ilə edilib. Onlardan biri hərbi bazanı vura bilib. Baş verən yanğın nəticəsində Rusiya təyyarələri ciddi zərər görüb. PUA-lardan biri isə Belarus ordusunun təyyarəsinə raket zərbəsi endirə bilib”, - Belarusun “Obraz buduşeqo” teleqram kanalı iddia edir.
Kremlin təbliğatçı “varqonzo” kanalı da Minsk yaxınlığındakı partlayışların olduğunu iddia edib. Belaruslu jurnalist Anton Motolko isə “Maçulişçi” hərbi hava bazasında partlayışların eşidildiyini yazır.
Bu məlumatların rəsmi təsdiqi olmasa da, Belarus mənbələr prezident Aleksandr Lukaşenkonun Rusiya prezidenti Vladimir Putinlə əlaqə saxlayacağını yazır. İddialara görə, müzakirələrdən sonra Belarus Ukraynaya müharibə elan edə bilər.
Qeyd edək ki, Belarusun Ukrayna müharibəsinə qoşulmasını ən çox Rusiya istəyir və Belarus ərazisinə mümkün zərbələrin endirilməsi bu prosesi sürətləndirə bilər.
Bu və gündəmdəki digər xəbərləri bu gün saat 11.30-da aparıcı Sevinc Telmanqızının təqdimatındakı “Canlı debat” verilişində millət vəkili Fazil Mustafa ilə AXP sədri Pənah Hüseynlə müzakirə edəcəyik. Müzakirədə tamaşaçılarımız da iştirak edə bilər.
Youtube səhifəsinin ünvanı:
https://www.youtube.com/@Musavattv
Facebook səhifəsinin ünvanı:
https://www.facebook.com/tvmusavat
Musavat.com
09 Oktyabr 2024
08 Oktyabr 2024
ŞƏRHLƏRŞƏRH YAZ