Onlayn ictimai-siyasi qəzet
Məşhur markanın cipsləri ilə bağlı XƏBƏRDARLIQ - Təcili YIĞIŞDIRILIR
Dünyaca məşhur çips brendinə aid məhsulun "həyat üçün təhlükəli" olması səbəbindən təcili geri çağırılması barədə qərar qəbul edilib.
Musavat.com xəbər verir ki, bu barədə "Haberler.com" saytı məlumat yayıb.
Məlumatda bildirilir ki, Qida Standartları Agentliyi (FSA) istehlakçılara "qətiyyən istehlak edilməməlidir" xəbərdarlığı edərək, etiketləmə xətası səbəbindən çipsləri təcili geri çağırıb.
"3D Trading" şirkəti tərəfindən satılan "Ruffles Sabor a Jamón Crisps" cipslərində allergik tərkibli maddələrin ingilis dilində göstərilmədiyi aşkar edilib.
HƏYATİ TƏHLÜKƏSİ MÖVCUDDUR
Bu cipslər süd və soya ehtiva edir, lakin qablaşdırmada bu məlumat göstərilməyib. Bu səbəbdən allergiyası olan şəxslər üçün ciddi sağlamlıq riski yaradır. Süd və ya soya allergiyası olan şəxslərin bu məhsulu qətiyyən istehlak etməmələri tövsiyə edilir.
HANSILAR MƏHSULLAR GERİ ÇAĞRILIB?
Məhsul: "Ruffles Sabor a Jamón Crisps"
Qablaşdırma ölçüsü: 150 qram
Partiya nömrələri: Bütün partiyalar
Son istifadə tarixi: Bütün tarix aralıqları
Region: Şimali İrlandiya və Şotlandiya
Məlumatda bildirilir ki, istehlakçılar qəbz təqdim etmədən də məhsulu aldıqları mağazaya qaytararaq pulu tam məbləğdə geri ala bilərlər.
Anaphylaxis UK (Birləşmiş Krallıq Allergiya Təşkilatı) süd və soya allergiyası olan şəxsləri xəbərdar edib. Bildirilib ki, allergik reaksiyalar yüngül səpgidən həyati təhlükəsi olan anafilaksiyaya qədər dəyişə bilər.
Ağır simptomlar bunlardır:
Boğazda, dildə və ya tənəffüs yollarında şiş
Nəfəs alma çətinliyi, xırıltı
Başgicəllənmə, zəiflik hissi
Solğun, nəm dəri və şüurun itirilməsi
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ