Onlayn ictimai-siyasi qəzet
Boltonla bağlı araşdırma onun siyasi görüşləri ilə bağlı deyil – Vens
ABŞ prezidenti Donald Trampın keçmiş milli təhlükəsizlik müşaviri Con Boltonla bağlı aparılan istintaq onun Vaşinqtonun hazırkı siyasətini tənqid etməsi ilə bağlı deyil.
Musavat.com xəbər verir ki, bunu ABŞ vitse-prezidenti J.D.Vens NBC News-a deyib: “Bolton təhqiqat altındadır, lakin iş yalnız onun qanunu pozduğu müəyyən olunarsa açılacaq. Biz insanların bizim siyasətimizlə razılaşmadıqları üçün həbsxanaya atılmasına inanmırıq".
Vitse-prezident əlavə edib ki, araşdırma ilkin mərhələdədir: "Bolton qanunu pozubmu? O, Amerika vətəndaşlarına qarşı cinayətlər törədib? Əgər belədirsə, o, məsuliyyətə cəlb edilməlidir".
Bundan əvvəl Fox News telekanalı mənbəyə istinadən məlumat vermişdi ki, FTB agentləri Boltonun məxfi sənədlərə malik olması ehtimalı ilə bağlı araşdırma çərçivəsində onun evində axtarış aparıblar. Telekanalın mənbəsinin sözlərinə görə, axtarış zamanı müstəntiqlərin Boltonun hələ də əlində ola biləcəyinə inandığı “potensial məxfi sənədlər” üzərində cəmlənib. Fox News-un məlumatına görə, 2018-2019-cu illərdə Trampın milli təhlükəsizlik müşaviri vəzifəsində çalışmış Bolton nə nəzarətə götürülüb, nə də həbs edilib.
Musavat.com
XƏBƏR LENTİ
23 Avqust 2025
ŞƏRHLƏRŞƏRH YAZ