Onlayn ictimai-siyasi qəzet
Məktəblərdə dəyişkən iş qrafikinə keçidlə bağlı VACİB AÇIQLAMA
Məktəblərdə dərslərin başlama vaxtını müəllimlər və valideynlər müəyyən edə bilirlər.
Musavat.com xəbər verir ki, bunu elm və təhsil naziri Emin Əmrullayev deyib.
Nazir qeyd edib ki, Bakıda əsas problem valideynlərin övladlarını məktəbə qoyub getməsidir: "Əgər valideynlər qərar versələr ki, dərslər 8-də yox, 9-da başlaya bilər, bu halda sürüşdürmə edilə bilər", deyə nazir vurğulayıb.
Qeyd edək ki, Prezident İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nı təsdiq edib. Dövlət Proqramınında Bakının nəqliyyat sıxlığına təsir edən məqamlar da qeyd olunub.
Bunlardan biri də dövlər orqanlarında çalışanların iş qrafiki ilə bağlıdır.
Belə ki, Dövlət Proqramının həyata keçirilməsinə dair Tədbirlər Planında dövlət orqanlarının (qurumlarının), təhsil və tibb müəssisələrinin, habelə digər hüquqi və fiziki şəxslərin iş rejiminin dəyişkən iş qrafikinə əsasən təşkili nəzərdə tutulub.
Nigar HƏSƏNLİ,
Musavat.com
XƏBƏR LENTİ
06 Fevral 2025
ŞƏRHLƏRŞƏRH YAZ