Onlayn ictimai-siyasi qəzet
Londonda iri ofis binalarını alan yoxdur
Londonda iri ofis binalarını satmaq demək olar ki, mümkün deyil.
Musavat.com xəbər verir ki, bu barədə məlumatı "Financial Times" yayıb.
Qəzetin istinad etdiyi "CoStar"ın məlumatına görə, ilin birinci yarısında Britaniya paytaxtında yalnız az sayda ofis binası 100 milyon funt sterlinqə (130 milyon dollar) satılıb, Sitidə isə belə əməliyyatlar olmayıb. Halbuki bir il əvvəl Londonun mərkəzində 1 milyard funt sterlinqdən çox sövdələşmələr bağlanmışdı.
Qəzet yazır ki, GPE və "Derwent" də daxil olmaqla, bir neçə əsas sahib bahalı binaları satmağa çalışsa da, cəhdlər uğursuzluqla nəticələnib və ya məyusedici qiymətlər fonunda sakitcə ləğv edilib.
Son iki ildə faiz dərəcələrində əhəmiyyətli artımlar kommersiya daşınmaz əmlak bazarında, xüsusən də hibrid iş rejiminin populyarlığı fonunda tələb perspektivlərinin zəif olduğu ofis binası seqmentində kəskin qiymət dəyişikliklərinə səbəb olub.
MSCI hesab edir ki, London ofis qiymətlərinin 64 faizi 2014-cü ildən bəri ən aşağı səviyyədədir.
Qeyd edək ki, Azərbaycan Dövlət Neft Fondu da Londonda böyük ofis kompleksinə sahibdir.
Musavat.com
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ